COVID-19 билан касалланиш ҳолатлари кўпайгани боис, Голландия ҳукумати ёзда бир кундан кўп давом этадиган мусиқа фестивалларини бекор қилишга қарор қилди. Бу ҳақда Интерфакс агентлиги хабар берди.
– Мамлакатда карантин қоидалари 1 сентябрга қадар узайтирилиши керак, 24 соатдан ортиқ давом этадиган фестивалларга жорий тақиқ вируснинг янги аломатларини бартараф этишга ёрдам беради, – деди Голландия Бош вазири Марк Рютте.
Мазкур чеклов кузгача Голландияда бўлиб ўтадиган барча оммавий тадбирларга тааллуқли.
Айтганча, июль ойи бошида мамлакатда коронавируснинг “дельта” штамми билан касалланишлар сони кескин ортиб кетган эди. Аммо сўнгги кунларда эпидемиологик вазият барқарорлаша бошлаган.
Шу боис, ҳукумат Европада саёҳат бўйича чекловларни юмшатган. Жумладан, Европанинг аксарият давлатлари “яшил” (чекловлар йўқ) ва “сариқ” (саёҳат қилиш мумкин, аммо хавф мавжуд) тоифаларга ажратилган.
Бироқ, 8 августдан бошлаб “сариқ” тоифага кирувчи мамлакатлардан келадиган сайёҳларга эмлангани тўғрисидаги гувоҳнома ёки салбий ПЗР тестини тақдим этиш талаб этилади.
Worldometers статистик сайтининг хабар беришича, Нидерландияда пандемия бошланганидан буён 1,84 миллиондан ортиқ киши коронавирусга чалинган.
