Stern нашрининг Украина Қуролли кучлари ички ҳисоботига таяниб ёзишича, гап 2026 йил 1 апрел куни мамлакат ғарбидаги саноат объектига "Герань" дронлари орқали қилинган ҳужум ҳақида кетмоқда.
Объект саккизта 35-мм зенит қурилмаси, иккита Радиолокацион станция ва иккита қўмондонлик пунктидан иборат иккита Skynex батареяси билан ҳимоя қилинган эди.
Ҳисоботга кўра, бир неча дақиқа ичида саккизта зенит қурилмасидан учтаси ишдан чиққан. Бунга гидравлик тизимдаги носозликлар, кузатув радарининг бузилиши ва ўқлаш механизмининг тиқилиб қолиши сабаб бўлган.
Оқибатда фақат иккита қурилма ҳаво нишонларини барқарор кузатиб бора олган. Украина ҳарбийлари Rheinmetall компанияси ишлаб чиқарган мазкур мажмуа жанговар қўлланишга тайёр эмаслиги ва "ўта ишончсиз" ишлагани хулосасига келган.
Ҳисоботда, шунингдек, Skynex’нинг реал кўрсаткичлари ишлаб чиқарувчи томонидан эълон қилинган маълумотларга мос келмаслиги таъкидланган.
Ишлаб чиқарувчи компания эса бу хулосаларни рад этди. Улар тизимлар "ўта самарали ва ишончли" эканлигини билдириб, юзага келган муаммоларни ҳарбий ҳисоб-китобларнинг хатолари билан боғлади.
Ўн йилдан сўнг пулнинг аҳамияти деярли қолмайди
Эрон 200 нафардан ортиқ америкалик ҳарбий хизматчиларни йўқ қилди
1 августдан автомобиллар учун газ бепул бўлади
