Бу ҳақда Аҳолини ҳимоя қилиш ва фавқулодда вазиятларда ёрдам кўрсатиш федерал бошқармаси (BBК) раҳбари Ралф Тислер маълум қилди. Унинг изоҳлашича, Украинадаги уруш давом этаётган шароитда Германия Россиянинг бир неча йилдан сўнг NATO давлатларига ҳужум қилиши мумкинлиги хавфини реал деб билиши ва бунга тайёргарлик кўриши лозим.
Ралф Тислернинг таъкидлашича, яқин тўрт йил ичида фуқаро мудофааси лойиҳаларига камида 10 миллиард евро, кейинги ўн йилликда эса яна камида 30 миллиард евро сарфланиши кутилмоқда. Гап нафақат бомбадан сақланиш тармоғини кенгайтириш, балки аҳолини хабардор қилиш тизимини замонавийлаштириш каби масалалар ҳақида ҳам бормоқда.
BBК раҳбари юқори ҳимоя даражасига эга янги бункерлар қуриш кўп вақт ва маблағ талаб қилишини таъкидлади. Тезроқ ва арзонроқ ечим сифатида у туннеллар, метро бекатлари, ер ости автотураргоҳлари ва жамоат бинолари ертўлаларини бомбадан сақланиш жойларига мослаштириш таклифини илгари сурди. Ралф Тислер бошқармаси батафсил режани шу ёзнинг ўзидаёқ тақдим этиши кутилмоқда.
«Жаҳаннам дарвозаси» кратери тез орада сўнади
Юртимизда яна бир порахўр амалдор қўлга тушди!
Украина кутилмаганда ҳаво жангида ғалаба қозонди: F-16 Россиянинг Су-35 самолётини уриб туширди
