Германия Украинага қўшимча 50 миллион евро гуманитар ёрдам ва НАТОнинг Кенг қамровли ёрдам пакети (Comprehensive Assistance Package) жамғармасига 10 миллион евро ажратмоқда.
Германия ташқи ишлар вазири Йоханн Вадефуль бу ҳақда Киевда украиналик ҳамкасби Андрий Сибига билан қўшма матбуот анжуманида маълум қилди.
"Германия энди гуманитар ёрдам учун қўшимча 50 миллион евро ажратмоқда. Ушбу маблағлар Киев ва фронт чизиғидаги ҳудудлардаги одамларга шошилинч ёрдам кўрсатадиган БМТ ташкилотлари ва нодавлат ташкилотларига йўналтирилади", деди у.
Вазир Германия қиш учун қўшимча генераторлар тақдим этишини таъкидлади.
"Бундан ташқари, биз яна НАТОнинг CAP жамғармасига 10 миллион евро ҳисса қўшмоқдамиз. Ушбу жамғарма билан биз, бошқа нарсалар қатори, Украина ҳарбийлари учун марказлаштирилмаган энергия таъминотини қўллаб-қувватлаймиз, ҳарбий касалхоналарга ҳаётий тиббий ускуналар етказиб берамиз ва жуда зарур бўлган дронларга қарши тизимларни молиялаштирамиз", деди Вадефуль.
Тошкентдаги мусобақада Исроил байроғини кўрсатгани учун исроиллик ўқувчининг олтин медали бекор қилинди
АҚШ элчиси дунё бошқарувини яҳудийларга бериш таклифи билан чиқди
Туркия Исроилга жавоб зарбасини режалаштирмоқдами?
