Германия Озарбайжондан узр сўради

Германия президенти Франк-Валтер Штайнмаер Instagram'даги саҳифасида Қорабоғдаги бўлгинчилар байроғи суратини жойлаштирганидан сўнг Озарбайжондан расмий узр сўради . Ушбу пост Штайнмаернинг Арманистонга ташрифи арафасида пайдо бўлган ва тезда ўчириб ташланган.

Германия президенти кантслери раҳбари Дöрте Дингер Озарбайжон президенти маслаҳатчиси Ҳикмет Ҳажиевга йўллаган мактубида нашрни техник хато деб атади ва бу Озарбайжоннинг ҳудудий яхлитлигини тан олган Германиянинг расмий позициясини акс эттирмаслигини таъкидлади.

Боку Германия элчисини чақириб, расмий изоҳ талаб қилди.

Штайнмаернинг Арманистондан кейин Озарбайжонга ташрифи икки томонлама муносабатларни мустаҳкамлаш ва Жанубий Кавказда тинчлик жараёнини қўллаб-қувватлашга қаратилиши кутилмоқда.

Арманистон ва Озарбайжон ўртасидаги таранглик 1991-йилдан бери давом этмоқда. 2020-йилги уруш ва 2023-йилда Қорабоғдаги сепаратист маъмурият якуний тугатилиши ортидан томонлар 2025-йилнинг март ойида кенг қамровли тинчлик битимини имзолашга тайёрлигини маълум қилган эди.