Трамп америкаликларни "оғир кунлар олдинда тургани" ҳақида огоҳлантирди

Қўшма Штатлар президенти бу ҳақда Truth Social ижтимоий тармоғидаги саҳифасида маълум қилди.

"Ҳозир “иқтисодий инқилоб” содир бўлмоқда — бу осон бўлмайди, бироқ якунда АҚШ “тарихий натижага” эришади. Хитой Қўшма Штатлардан анча кўпроқ зарар кўрди. Улар ва бошқа кўплаб давлатлар бизга ёмон муносабатда бўлишган. Биз аҳмоқ ва ожиз эдик, лекин энди ундай эмас. Биз Америкада иш ўринлари ва бизнесни мисли кўрилмаган тарзда қайтаряпмиз. Аллақачон беш триллион доллардан ортиқ инвестиция киритилди ва ўсиш тезкорлик билан давом этмоқда. Бу иқтисодий инқилоб ва биз ғалаба қиламиз. Бу осон бўлмайди, лекин якуний натижа тарихий бўлади. Биз Американи яна буюк қиламиз!", — деб ёзди Трамп.