Германия НАТОнинг шарқий қанотини ҳимоя қилиш учун Польшага қирувчи самолётларини жойлаштирмоқда

НАТОнинг шарқий ҳудудини ҳимоя қилиш учун Германия ҳарбий-ҳаво кучлари Польшага қўшимча қирувчи самолётлар ва 150 нафар ҳарбийни жўнатади.

Бу ҳақда Германия ҳарбий-ҳаво кучлари хабар берди.

Бир нечта Eurofighter самолётлари Нерфених ҳаво базасидан учиб, Мальборкдаги Польша ҳарбий базасига йўл олди. Германия бу ҳаракатни октябрь ойи ўрталарида эълон қилди.

Самолёт билан бирга Бундесвер 150 га яқин аскарни, жумладан учувчилар, техник мутахассислар, логистиклар, объект қўриқчилари ва ҳарбий полицияни юбормоқда.

Тахминан 2026 йилнинг март ойи охиригача давом этиши режалаштирилган самолётнинг жойлаштирилиши яқинда Россия қирувчи самолётлари ва дронлари томонидан НАТО ҳаво ҳудудининг бузилишига жавобдир.

"Ушбу миссия билан қўшинларимиз август ойидан бери Руминияда жойлашган тезкор ҳаракат эскадронимиз билан альянснинг шарқий қисмини мудофаа қилишга яна бир қимматли ҳисса қўшмоқда”, - дея изоҳ берди Германия ҳарбий-ҳаво кучлари генерал-лейтенанти Хольгер Нойманн.

Август ва сентябрь ойларида Германиянинг Eurofighter қирувчи самолётлари аллақачон Польшанинг Мальборк ҳарбий аэродромида жойлашган эди.

1 декабрь куни Нидерландия Польша шарқидаги Жешув шаҳридаги йирик НАТО логистика марказини ҳимоя қилишни ўз зиммасига олди, унга 300 аскар ва бир нечта ҳаво ҳужумидан мудофаа тизимини жойлаштирди.