Германия Италия, Испания ва Швеция билан Леопард 2 танкининг янги авлодини ишлаб чиқиш бўйича шартномалар имзолади.
Танкни ишлаб чиқиш учун "Krauss-Maffei Wegmann" ва "Rheinmetall" компаниялари жавобгар бўлади. Германия Мудофаа вазирлиги шартнома имзоланиши ҳақидаги маълумотга изоҳ бермади.
Лойиҳада Швециянинг “Сааб” ва Италиянинг “Леонардо” компаниялари ҳам иштирок этади. Испаниянинг қайси компанияси эканлиги эса номаълум.
Эслатиб ўтамиз, ушбу турдаги шартнома Франция ва Германия ўртасидаги муносабатларга таъсир кўрсатиши мумкин, чунки бу давлатлар 2017 йилда ҳам худди шундай келишувни имзолаган эди. Қолаверса, жорий йилнинг июл ойида иккала томон ҳам имзоланган келишувга “янги нафас” бериш истагини билдирган эди. Бироқ, мамлакатлар танкнинг хусусиятлари бўйича келиша олмадилар.
