Германия ҳукумати Украинага ҳарбий ёрдам учун яна 12 миллиард евро ажратишни режалаштирмоқда.
Бу ҳақда Bloomberg манбаларга таяниб ёзмоқда.
Қайд этилишича, 12 миллиард евро миқдоридаги қўшимча ёрдамни ҳисобга олган ҳолда, Берлин Украинага 14,2 миллиард евро миқдорида ҳарбий ёрдам бермоқчи.
Манбаларга кўра, 29 март куни Бундестаг бюджет қўмитаси Германия мудофаа вазири Борис Писториуснинг 2023 йилда Украинага бериладиган ёрдам миқдорини икки баравар кўпроқ, яъни 5,4 миллиард еврога етказиш режаларини маъқуллаши кутилмоқда.
Берлин керак бўлса, яқин йилларда Киевга яна 8,8 миллиард евро юборишни режалаштирмоқда, дейилади манбалар.
