Германия Эроннинг ўз ҳудудидаги учала бош консуллигини ёпмоқда, деб хабар бермоқда DPA агентлиги.
28 октябрь куни Эрон ва Германия фуқаролигига эга бўлган Жамшид Шармаҳд қатл этилди. 2023 йилда Эрон Олий суди уни терроризмда айбланиб, ўлим жазосига ҳукм қилган эди. Ҳукмни Германия ва Европа Иттифоқи ҳукумати қоралади.
Шундан сўнг Германия Ташқи ишлар вазирлиги Эрон ишлари бўйича вакилини чақирди, шунингдек, Германия Федератив Республикасининг Теҳрондаги элчисини маслаҳатлашиш учун чақириб олди.
"Жамшид Шармаҳд Эрон режими томонидан ўлдирилгандан сўнг, Германия Ташқи ишлар вазирлигига зудлик билан Эрон ишлари бўйича вакил чақиртирилди," - дейилади Германия Ташқи ишлар вазирлигининг Х ижтимоий тармоғидаги саҳифасида эълон қилинган баёнотида.
Германия Ташқи ишлар вазирлиги Эрон ҳукуматининг ҳаракатларига қарши кескин норозилик билдирди ва "кейинги ҳаракатларни амалга ошириш ҳуқуқини ўзида қолдиради."
Президентдан “дух” олган Омонбоевага суд ҳукми ўқилди
Алишер Усмонов номзодини 103та давлат қўллаб-қувватлади
Россия Украина ҳудудини «рекорд тезликда» эгаллаб олди
