Gemini Google Docsда матнни овоз чиқариб ўқишни ўрганди

Google компанияси ўзининг Google Docs хизматини янада қулайроқ ва имкониятларга бой қилишда давом этмоқда. Яқинда Gemini сунъий интеллектуал ёрдамчисига таянган ҳолда, Google Docsда матнни овоз чиқариб ўқиш (text-to-speech) функцияси жорий қилинди.

Ушбу имконият, айниқса, визуал имкониятлари чекланган фойдаланувчилар ёки матнни эшитиб қабул қилишни афзал кўрадиганлар учун жуда фойдали бўлиши мумкин. Фойдаланувчи ҳужжатдаги матнни бир неча турдаги овозлар орқали эшитиш имкониятига эга бўлади. Бундан ташқари, овоз тезлигини ҳам ўз хоҳишига кўра созлаши мумкин.

Функцияни қандай фаоллаштириш мумкин?

1. Google Docs ҳужжатингизни очинг.

2. Юқоридаги менюдан "Асбоблар" (Tools) бўлимига ўтинг.

3. Қўшимча равишда пайдо бўлган "Аудио" бўлимига киринг.

4. У ердаги "Ушбу ёрлиқни тинглаш" (Listen to this section) вариантини танланг.

Айни пайтда бу функция фақат инглиз тили учун амал қилади. Аммо келажакда бошқа тиллар, жумладан ўзбек тилида ҳам мавжуд бўлиши кутилмоқда.