Ғазодаги тўқнашувда уч нафар исроиллик аскар ўлди

Ғазо шимолидаги портлашда уч нафар Исроил аскари ўлди.

The Times of İsrael нашри хабар беришича, ҳалок бўлган штаб-сержант Шоҳам Менахем (21), сержант Шломо Якир Шрем (20) ва сержант Юли Фактор (19) 401-зирҳли бригаданинг 52-батальони аскарлари бўлган.

Исроил армиясининг дастлабки маълумотларига кўра, аскарлар кеча тушга яқин Ғазо шимолидаги Жабаля шаҳрида содир бўлган портлашда шикастланган танкда бўлган. Ҳодиса оқибатида бир исроиллик зобит тан жароҳати олиб, оғир жароҳатлар билан касалхонага ётқизилган.

Ҳарбийларнинг айтишича, портлаш сабаблари текширилмоқда.