Ғазода ўнлаб дала мактаблари ташкил этилди - Вазирлик расмийси

Фаластин Таълим вазирлиги котиби ўринбосари Холид Абу Нада Фаластин ахборот марказига билдирганидек, Ғазода ўнлаб дала мактаблари ташкил этилган. Вазирлик объектлари ва мактабларининг 90 фоизи қисман ёки бутунлай вайрон бўлган.

У яна қўшимча қилди:

• Қисман зарар кўрган мактабларда таълим жараёни қайта йўлга қўйилди.
• Шарқий Хон Юнусда таълим икки сменали тизимда 40 та мактабда бошланди.
• Ўқувчиларнинг аксарияти мактаб жиҳозларининг етишмаслиги сабабли полда ўтиришга мажбур.
• Рафаҳдаги айрим мактаблар тахминан 12 000 ўқувчи билан ўз фаолиятини қайта бошлади.
• Бинолар етишмаслиги муаммосини ҳал қилиш учун таълим чодирлари билан таъминлаш бўйича халқаро ташкилотлар билан мулоқот олиб боряпмиз.
• Мактабларнинг кенг кўламда вайрон этилганлиги сабабли, муқобил вариант сифатида масофавий таълимга таянмоқдамиз.
• Уруш шароитлари сабабли таълим олишга бора олмаган бирорта ҳам ўқувчимиз учун ўқув йилини йўқотмаймиз.
• Уруш давомида 800 дан ортиқ ўқитувчи ва мактаб маъмурияти ходимларидан айрилиб қолдик.