Ғазода Исроил ҳужумлари оқибатида 15 нафар фаластинлик ҳалок бўлди

2025 йил 8 июль куни эрталабдан бошлаб Исроил армияси томонидан Ғазо секторидаги турли ҳудудларга амалга оширилган ҳужумлар натижасида камида 15 нафар фаластинлик ҳалок бўлди.

Исроил томонидан қўзғатилган гуманитар инқироз, Ғазога нисбатан кучайтирилган блокада ва инсонпарвар ёрдамларнинг киришини тўсиш билан янада оғирлашмоқда.

Жумладан, Ғазо шаҳрининг жануби-ғарбидаги Тель-эль-Хева маҳалласига қилинган ҳужумда 4 нафар фаластинлик, жумладан она ва чақалоқ ҳалок бўлгани қайд этилган.

Ҳужумлар асосан қочқинлар жойлашган палаткалар ва тинч аҳоли яшайдиган ҳудудларни нишонга олган бўлиб, қурбонлар сони янада ортиши мумкин.

Халқаро ташкилотлар ва инсон ҳуқуқлари фаоллари вазиятни инсонпарвар ҳуқуқларнинг қўпол равишда бузилиши сифатида баҳоламоқда.