Ғазода Исроил армиясининг 4 нафар аскари ўлди

Ғазо сектори жанубидаги Хон Юнисда миналанган бинонинг қулаши оқибатида тўрт нафар Исроил аскари ҳалок бўлди.

Бу ҳақда Al Arabiya хабар бермоқда.

Шунингдек, 11 аскар яралангани, улардан бирининг аҳволи оғир эканлиги маълум қилинган.

Нашр маълумотларига кўра, ярадор аскарлардан бирини ўғирлаб кетишга уриниш бўлган, бироқ у муваффақиятга эришмаган.

Аввалроқ Исроил армияси кучлари Хон Юнис жанубидаги ҳудудларга илгарилаб кетгани хабар қилинган эди.