Ғазо сулҳ битими АҚШ кафолатларини ўз ичига олади

Ғазода ўт очишни тўхтатиш тўғрисидаги келишув АҚШнинг Исроил ва ХАМАС жанговар ҳаракатларни қайта бошламаслиги ҳақидаги кафолатларини ўз ичига олади.

Бу ҳақда Sky News Arabia манбаларга таяниб хабар бермоқда.

Телеканал маълумотларига кўра, Ғазо бўйича ўт очишни тўхтатиш тўғрисидаги битим лойиҳасида Исроил қўшинларини анклавдан қайта жойлаштириш ва кейинчалик олиб чиқиб кетиш кўзда тутилган.

"Ғазо келишуви АҚШнинг 60 кунлик ўт очишни тўхтатиш муддати давомида ёки ундан кейин ҳам жанговар ҳаракатлар қайта бошланмаслиги ҳақидаги кафолатларини ўз ичига олади. Бундан ташқари, Ғазо бўйлаб ўт очишни тўхтатиш келишуви Исроил армиясини олиб чиқишга тайёргарлик кўриш учун қайта жойлаштириш бўйича келишилган режани ўз ичига олади", - дейилади хабарда.