Ғарбий Соҳилда кўчманчилар 5-кун кетма-кет Ал-Ақсо масжидига бостириб кирмоқда

Исроил Ғазо секторида босқинчилик ва қирғинбарот урушини бошлаганига 381 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

▪️Босқинчилар сўнгги 24 соат ичида Ғазо секторининг Байт Лаҳия, Жабалия, Нусейрат ва Шати лагерларига ҳужум қилди. Уруш бошланганидан бери 42 603 киши шаҳид бўлди.

▪️Ғазо шимоли, айниқса Жабалия лагери ва Байт Лаҳия ҳудуди фашистлар томонидан 17 кундан буён қамалда. Одамлар нафақат бомбалардан, балки очликдан ҳам ўлишмоқда. Жабалия лагерининг иккинчи блоки бутунлай вайрон қилинган.

▪️Ғарбий Соҳилда кўчманчилар 5-кун кетма-кет Ал-Ақсо масжидига бостириб кирмоқда. Ғарбий Соҳилдаги Ал-Халил, Наблус, Рамаллоҳ ва Байтлаҳмда ҳам ҳужум ва рейдлар амалга оширилмоқда. Икки фаластинлик ҳалок бўлди, ўнлаб одамлар ҳибсга олинди.

▪️ЮНРВА: Исроил Ғазо шимолидаги вайроналар остида қолган одамларни эвакуация қилиш бўйича шошилинч талабни рад этди.

▪️Ал-Қассам бригадалари Жабалия лагерида ишғол зирҳли танкини портлатиб юборди. Интернетда йиртиқ пойабзалдаги қаршилик жангчисининг фотосуратлари тарқалмоқда. Ушбу пистирмада уруш бошлангандан буён энг юқори мартабали зобит – полковник Иҳсан Дакса йўқ қилинди.

▪️Ҳизбуллоҳ ишғол остидаги Ҳайфа, Кирят Шмона, Тиберия ва Маргалиотга 70 дан ортиқ ракета учирди. Бейт-Хиллдаги ҳарбий базага ҳужум уюштирилди. Босиб олинган ҳудудларнинг шимолида ёнғин давом этмоқда.

▪️Босқинчилар Ливаннинг Тир ва Хазен, Баалбек шаҳарлари ҳамда Байрутнинг жанубий чеккасидаги Маржа тумани чеккаларига қатор ҳужумлар уюштирди.