Европа дипломатияси раҳбари Кая Каллас бу ҳужумни "Украина ҳеч бир шартсиз ўт очишни тўхтатишга рози бўлган бир пайтда Россиянинг ҳужумларини кучайтираётганининг даҳшатли намунаси" деб атади. Европа Кенгаши раиси Антониу Кошта ҳам бу фикрга қўшилди.
"Россия зўравонлик кампаниясини давом эттириб, бу уруш фақат Москванинг истаги билан келиб чиққанини яна бир бор кўрсатди", — деди Кошта.
Франция президенти Эммануел Макрон эса "Россияга Украинада ўт очишни тўхтатиш мажбурияти юклатилиши" кераклигини айтди. У, шунингдек, жабрланганлар, яраланганлар ва курашни давом эттираётган бутун Украина халқи билан бирдамлиги ҳамда уларни қўллаб-қувватлашини билдирди.
Буюк Британия бош вазири Кир Стармер Сумидаги ҳужумдан сўнг Россияни Украинада ўт очишни тўхтатиш таклифига рози бўлишга чақирди.
"Мен Россиянинг Сумидаги тинч аҳолига қилган даҳшатли ҳужумларидан ҳайратдаман, бу фожиали дамда қалбим қурбонлар ва уларнинг яқинлари билан. Президент Зеленский тинчликка содиқлигини намойиш этди. Энди томонлар ҳеч қандай шартларсиз тўлиқ ва дарҳол ўт очишни тўхтатишга келишишлари керак", — деб ёзди Стармер Х ижтимоий тармоғидаги саҳифасида.
“Тез орада Худонинг ёрдами билан — бу бутун Исроил юрти бўлади”
Рубл дунёнинг барча валюталарини ортда қолдирди
Ван Дамм Путинга мурожаат қилди
