Ғарб Арманистон қўли билан Жанубий Кавказда Россияга қарши "иккинчи фронт" очишга интилмоқда

Россиянинг Еревандаги элчиси Сергей Копиркинга кўра, Ғарб Арманистон қўли билан Жанубий Кавказда Россияга қарши "иккинчи фронт" очишга интилмоқда.

"Афсуски, биз минтақада фаоллашиб бораётган Ғарб давлатларининг эзгу декларатсиялари ортида ёвуз ниятлар яширинганини аллақачон қайд этганмиз... АҚШ Давлат департаменти, Европа Иттифоқи ва унга аъзо давлатлар расмийлари "ниқобларини ечиб," Россиянинг, шунингдек, Эрон ва Хитойнинг Жанубий Кавказдаги "ёвуз" таъсирини камайтиришга эришиш ниятида эканликларини очиқ айта бошладилар. Уларнинг арман ҳамкорларига "муносабатларни диверсификация қилишда" ёрдам бериш баҳонасида Ереваннинг Москва билан иттифоқчилик алоқаларини бузишга интилиши шу билан боғлиқ. Арманистон суверен давлат сифатида, албатта, ўзи истаган киши билан муносабатларни ривожлантиришга тўла ҳақли. Шу билан бирга, бизнинг арман иттифоқчиларимиз Ғарбдаги русофоб кучларга ўзларининг гўзал мамлакатидан минтақада Россия билан қарама-қаршиликнинг "иккинчи жабҳаси"ни очиш учун фойдаланишга йўл қўймайдилар, шунингдек, Евроосиё интеграциясининг жадал ривожланаётган жараёнларида ўз иштирокларига путур етказмайдилар," - деди у.