Ғалабани электр, газ ва русларсиз биргаликда нишонлаймиз, деди Литва Бош вазири Ингрида Шимоните.
Шимоните бундай фикрни Киевдаги София майдонида бўлиб ўтган Украина Мустақиллиги куни муносабати билан сўзлаган нутқида билдирди.
У Литва Украинага қисқа масофали ҳаво мудофааси тизимлари, шунингдек, ракеталар, қурол-яроғ ва ўқ-дорилар топширишини айтди.
Бундан ташқари, мамлакат Украинага радар тизимларини харид қилиш учун 35 миллион евро ажратишини маълум қилди. Шунингдек, Литва Украинага куз охиригача беш минг дона дрон етказиб беришини ваъда қилди.