G20 хавфсизлик ва иқтисодиёт соҳаларидаги глобал инқирозлар билан кураша олмаяпти

G20 хавфсизлик ва иқтисодиёт соҳаларидаги глобал инқирозлар билан кураша олмаяпти, бу эса унинг мавжудлигини хавф остига қўймоқда — Эммануэл Макрон.

Франция президенти бу ҳақда бугун Жанубий Африка Республикасининг Йоханнесбург шаҳрида бўлиб ўтаётган “Катта йигирмалик” саммитида сўз очди.

Макроннинг айтишича, норасмий халқаро клуб "ўз циклини якунлаш арафасига келган" бўлиши мумкин. Сиёсатчи G20 аъзолари йирик инқирозларни ҳал қилишда қийинчиликка дуч келаётганини ва геосиёсий соҳада ягона стандарт белгилашнинг мушкуллигини тан олган.

"Биз аниқ жавоблар ола билмасак, G20 ўз мавжудлигининг маъносини йўқотиши хавфи бор", — деди Франция президенти.