ФИФА ўйин суръатининг пасайиши ва вақт чўзиш ҳолатларига қарши курашиш доирасида янги қоида жорий этишни таклиф қилмоқда. ФИФАнинг фикрича, тиббий ёрдам олган футболчилар майдонни тарк этгач, бир дақиқа давомида ўйинга қайтмасликлари керак. Бу ҳақда BBC хабар бермоқда.
Ушбу қоида кучга кириши учун у Халқаро футбол ассоциациялари кенгаши (IFAB) томонидан маъқулланиши лозим. Айнан мана шу орган футбол қоидаларини тартибга солади.
Ҳозирги вақтда бу борада аниқ қоидалар мавжуд эмас ва ҳар бир лига ўз тавсияларини белгилайди. Масалан, АПЛда 2023/2024 йилги мавсумдан бошлаб тиббий ёрдам олган футболчи майдондан ташқарида 30 сония вақт ўтказади.
Аввалроқ ФИФА бу каби қоидани Араб миллатлари кубогида синовдан ўтказган эди. Ўшанда тиббий ёрдамдан сўнг футболчилар икки дақиқа давомида майдон ташқарисида қолиши мажбурий этиб белгиланганди.
"Ман Сити" "Барса"нинг режаларини чиппакка чиқарди!
"Ал-Ҳилол" футболчилари Бензема билан шартнома имзоланганидан афсусда
"Барселона" Ямалга Рамазон ойида қандай ёрдам бериши маълум бўлди
