Фуқаролик самолёти Трампнинг гольф клубига яқинлашганида АҚШ қирувчи самолётлари ҳавога кўтарилди

АҚШ президенти Дональд Трамп истиқомат қилаётган Нью-Жерси штати Бедминстер шаҳридаги гольф майдончаси устидан фуқаролик самолёти чекланган ҳаво ҳудудига кирганидан сўнг, АҚШ Ҳарбий-ҳаво кучларининг қирувчи самолётлари ҳавога кўтарилди.

Бу ҳақда Шимолий Америка аэрокосмик мудофаа қўмондонлиги вакиллари маълум қилди.

Баёнотда келтирилишича, қирувчи самолётлар “Бедминстер устидаги чекланган ҳаво ҳудудини бузган фуқаролик самолётини тутиб олган”. Бунгача ҳам ҳудудда бир нечта шунга ўхшаш қонунбузарликлар содир бўлган. Ҳарбийларнинг аниқлик киритишича, тутиб олиш чоғида улар учувчининг эътиборини ўзига жалб қилиш учун машъалларни ўққа тутган.