ФТБга киберҳужумда гумон қилинган ShinyHunters аъзоси Иорданияда ушланди

CBS News хабар беришича, АҚШ Федерал тергов бюроси (ФТБ) маълумотлар базасига киберҳужум уюштиргани тахмин қилинаётган ShinyHunters гуруҳи аъзоларидан бири Иорданияда ушланган.

Иордания ҳуқуқни муҳофаза қилувчи органлари Саиф ад-Дин Хадерни қўлга олган. Маълумотларга кўра, у тергов билан ҳамкорлик қилмоқда.

ФТБ ҳодиса юзасидан батафсил маълумот бермади. Бироқ бюро хорижий ҳамкорлар билан ҳамкорлик қилаётганини ва киберҳужумга алоқадор бир нечта гумонланувчи ушланганини тасдиқлади.

ShinyHunters — турли ташкилотларнинг маълумотлар базаларига ҳужум қилишда гумон қилинаётган хакерлар гуруҳи. Уларнинг фаолияти ўғирланган маълумотларни қўлга киритиш ва тарқатиш билан боғлиқ.