Франциянинг шимолидаги "Гравелин" атом электр станциясининг фильтрация тизимларида медузалар кўплиги EDF ни учта реакторни ўчиришга ва тўртинчисида қувват ишлаб чиқаришни камайтиришга мажбур қилди.
BFMTV телеканали бу ҳақда компания баёнотига таяниб хабар берди.
"Бу вазият объектлар, ходимлар ёки атроф-муҳит хавфсизлиги учун ҳеч қандай оқибатларга олиб келмайди", деб таъкидлади компания.
"Гравелин" атом электр станцияси бир йил олдин шунга ўхшаш муаммога дуч келган эди, ўшанда медузалар кўплиги тўртта реакторни ўчиришга мажбур қилди.
Франция бўйлаб қурғоқчилик ва иссиқлик туфайли рекорд даражадаги атом электр станцияларининг узилишлари кузатилмоқда, бу эса ўз навбатида электр энергияси ишлаб чиқаришга таъсир қилмоқда. Якшанба куни 15,6% электр тақчиллиги кузатилди.
Муҳожирлар кетмоқда — Москва эса қайтишга чақирмоқда
Дунёда атиги уч киши хорижга паспортсиз саёҳат қилиши мумкин
Сурхондарёда 3700 йиллик қабрлар ўрганилмоқда
