Нигернинг Франциядаги элчиси Айшата Булама Каненинг ўғли, ҳокимиятни қўлга олган исёнчилар томонидан лавозимидан четлатилиши эълон қилинган Идрисс Кане Ниамеда ҳибсга олинди. Бу ҳақда 9 август, чоршанба куни дипломатга таяниб, AFP хабар бермоқда.
Қайд этилишича, Niger Poste давлат ташкилотининг почта хизматига масъул бўлган бош директори Кане давлат маблағларини ўғирлаш иши бўйича қўлга олинган.
"Niger Poste компанияси бош директори Идрисса Кане давлат маблағларини ўғирлаш бўйича ишда иштирок этмоқда, бу иш Коррупция ва шунга ўхшаш ҳуқуқбузарликларга қарши кураш олий бошқармаси томонидан олиб борилмоқда", — дея хабар бермоқда DayFR Euro портали.
Қайд этилишича, аввалроқ Ниамеда ҳокимиятни қўлга киритган ҳарбийлар Нигернинг Франция, АҚШ, Нигерия ва Тогодаги элчилари функцияларини тугатаётганини маълум қилган эди. Шундан сўнг Кане AFPга "ҳар доим қонуний президент Базум Муҳаммаднинг элчиси бўлиб келган” ва "функциялари тугатилганлиги ҳақидаги билдиришномани ҳақиқий эмас" деб билишини айтди.
