Франция шарқидаги Винзенхайм коммунасидаги ногиронларга ёрдам бериш учун маҳаллий уюшма томонидан ижарага олинган хусусий уйда ёнғин содир бўлган.
Бу ҳақда France Blue радиоси хабар бермоқда.
Хаут-Рин департаменти префектураси 11 киши бедарак йўқолганлигини маълум қилди.
Ёнғин ҳақида сигнал чоршанба куни эрталаб маҳаллий вақт билан тахминан 6:30 да ёнғин бўлимига келиб тушган. Соат 9:30 ҳолатига кўра, ёнаётган бинодан 17 киши эвакуация қилинган, улардан бири касалхонага ётқизилиши керак. Ёнғин содир бўлган уй "La Forge" тиббиёт ва ўқув терапевтик институти ёнида жойлашган. Худди шу номдаги уюшма уни ногиронларга ёрдам бериш учун ижарага олди.
Префектура маълумотларига кўра, ёнғин маҳаллийлаштирилган бўлиб, уни ўчиришга 76 нафар ўт ўчирувчи, 4 та ўт ўчириш машинаси, 4 та тез тиббий ёрдам машинаси жалб қилинган, кўчма тиббий ёрдам пункти сафарбар этилган. Шунингдек, воқеа жойига 40 нафар жандарм етиб келган.
