Францияда маҳбусни қамоқхонадан сумкада олиб чиқиб кетишди

Франция жануби-шарқидаги Корба шаҳридаги қамоқхонадан 20 ёшли маҳбус жазони ўтаб бўлгандан кейин озодликка чиққан камерадошининг буюмлари солинган сумкага яшириниб, қочишга муваффақ бўлди.

Бу ҳақда BFMTV телеканали хабар берди.

Қайд этилишича, қамоқхона раҳбарияти қочиб кетганини эртаси куни аниқлаган.

Йигит бир неча жиноятлар, жумладан, одам савдоси ва ўғирлик учун жазони ўтаган, шунингдек, уюшган жиноятчиликка алоқадорлиги учун тергов остида эди. У яна иккита маҳбус билан бир камерада эди, улардан бири 11 июль куни озодликка чиқмоқчи эди.

Мазкур ҳолат юзасидан жазони ижро этиш муассасаси томонидан ички текширув бошланган. Унинг раҳбари Себастьен Ковэльнинг BFMTV телеканалига айтишича, "бу жуда кам учрайдиган ҳолат", бу "бир қатор жиддий қонунбузарликлардан далолат беради".

Тахминларга кўра, қамоқхона маъмурияти маҳбуснинг қочиб кетганини унинг ҳаддан ташқари кўплиги туфайли пайқамаган. Муассаса маъмурияти вакилининг BFMTVга маълум қилишича, қамоқхона 170 фоизга тўлган.

Бундан ташқари, қочиш бўйича тергов олиб борилмоқда, бу Рона департаменти (DIPN) Миллий полициясининг идоралараро бошқармасига топширилган.