Франция терма жамоаси ва "Ливерпуль"нинг асосий ҳимоячиси "Реал"га ўтишни мақсад қилган

"Ливерпуль" футболчиси Ибраима Конате клубга фаолиятини Мадриднинг "Реал" клубида давом эттиришни истаётгани ва ушбу трансфер ойнасида "қаймоқранглилар" сафига ўтишга тайёрлигини маълум қилди. Бу ҳақда Marca хабар бермоқда.

Маълум бўлишича, мерсисайдликлар раҳбарияти Конатени сотишга тайёр. Шу билан бирга, клуб эркин агент сифатида "Реал"га кетган Александр-Арнольд каби ҳимоячини текинга йўқотишдан қўрқмоқда. Конатенинг ўзи эса фақат "Реал"га ўтиш ҳақида ўйламоқда.

"Ливерпуль"нинг франциялик футболчи билан шартномаси бир йилдан сўнг якунига етади. Ўтган мавсумда 26 ёшли футболчи "қизиллар" сафида 42 та ўйинда 2 та гол ва 2 та голли узатмага муаллифлик қилган. Transfermarkt портали Конатенинг нархини 60 млн еврога баҳоламоқда.