Франция NATO'га Гренландияда машғулотлар ўтказишни таклиф қилди — CNN

Елисей саройи матбуот хизматининг маълум қилишича, Париж унда иштирок этишга тайёр. Машғулотлар кўламига аниқлик киритилмаган

Президент Доналд Трамп сўнгги ҳафталарда АҚШнинг Гренландияга даъволари ҳақида бир неча бор баёнотлар берган ва буни Қўшма Штатлар миллий хавфсизлиги манфаатлари билан изоҳлаган. Гренландия ҳукумати эса орол АҚШнинг бир қисми бўлишни истамаслигини маълум қилган.

CNN'нинг қайд этишича, ўтган ҳафта Франция Европанинг бошқа давлатлари билан биргаликда Дания бошчилигидаги қўшма машғулотларда иштирок этиш учун Гренландияга ҳарбийларни юборган. Шундан сўнг Трамп Гренландияга ўз ҳарбийларини жўнатган давлатларга нисбатан 10 фоизлик бож жорий этилишини маълум қилди.