Франция илк марта Германия билан ядровий қуроллардан тийилиш бўйича ҳамкорлик қилишни режалаштирмоқда

Париж тарихда биринчи марта ядровий қуролларни тийиш бўйича Берлин билан ҳамкорлик қилиш ниятида.

Франция президенти Эммануэль Макрон буни Мюнхен хавфсизлик конференциясида нутқ сўзлаш чоғи таъкидлаб ўтди.

Франция раҳбарининг сўзларига кўра, "ядровий қуролларни тийиш ролини қайта белгилаш жуда муҳим". "Ва шунинг учун биз ҳозирда Германия канцлери Фридрих Мерц ва бир қатор Европа раҳбарлари билан стратегик мулоқот ўрнатмоқдамиз, конституция билан кафолатланган ва тартибга солинган миллий доктринамизни аниқ ҳамкорлик, қўшма машқлар ва умумий хавфсизлик манфаатлари билан қандай боғлашимиз мумкинлигини тушуниш учун", деди Макрон.

У "Франция буни тарихда биринчи марта Германия билан амалга ошираётганини" таъкидлади. "Бу мулоқотнинг ўзи муҳим, аммо ундан ҳам муҳими шундаки, у бизга ядровий қуролларни тийишни мудофаа ва хавфсизликка яхлит ёндашувга интеграция қилиш имконини беради", деди Макрон.