Трамп: Блокадага яқинлашган ҳар қандай Эрон кемаси йўқ қилинади

АҚШ президенти Дональд Трамп мамлакат денгиз блокадаси ҳудудига яқинлашадиган Эрон ҳарбий кемалари «дарҳол йўқ қилиниши» ҳақида огоҳлантирди.

Ушбу баёнот Truth Social орқали эълон қилинди.

«Агар Эроннинг қолган кемалари блокадамизга яқинлашса, улар дарҳол гиёҳванд моддалар контрабандачилари қайиқларига қарши қўлланадиган воситалар билан йўқ қилинади. Тез ва шафқатсиз тарзда», — деди Трамп.

Президентнинг даъвосига кўра, Эроннинг 158 та кемадан иборат денгиз флоти деярли тўлиқ йўқ қилинган ва фақат бир нечта тезкор ҳужум кемалари сақланиб қолган.