Франция ҳукумати уйсизлар ва мигрантларни Олимпиада олдидан Париж ташқарисига ҳайдаб чиқармоқда

Франция ҳукумати Олимпиада ўйинлари бошланиши арафасида мигрантлар ва уйсизларни Париждан мажбуран ҳайдаб чиқармоқда. Бу ҳақда Inside The Games хабар берди.

Қайд этилишича, Франция ҳукумати бу ноқонуний хатти-ҳаракатлари учун жамоатчилик томонидан танқид остига олинган.

2024 йилги ёзги Олимпия ўйинлари Франция пойтахти Парижда 26 июлдан 11 августгача бўлиб ўтади.

Маълумот учун, Париж—2024 Олимпиадасида футбол бўйича Ўзбекистон терма жамоаси C гуруҳидан жой олди. Вакилларимиз гуруҳда Испания, Доминикан ва Миср каби терма жамоалар билан баҳс олиб боради.

Дастлабки ўйин Испанияга қарши 24 июль куни бўлиб ўтади.