Флоридада самолёт қулаб тушди

Флорида штатининг Майами шаҳри яқинидаги Корал-Спрингсда кичик самолётнинг кўлга қулаши оқибатида камида икки киши ҳалок бўлди.

Бу ҳақда полицияга таяниб, NBC News телеканали маълум қилди.

Маълумотларга кўра, Beechcraft King Air самолёти "Мелисса" тўфони оқибатларини бартараф этиш бўйича олиб борилган қутқарув ишлари доирасида Ямайкага йўл олган Шарқий вақт билан соат 10:14 да учган", деди Форт-Лодердейл аэропорти вакили.

Канал бортдаги одамларнинг аниқ сонини маълум қилмаган.

Воқеа жойида тегишли идоралар ишламоқда, ҳалокат сабаблари ўрганилмоқда.