Флорида қирғоғида улкан йиртқич аниқланди – бундай акула ҳали учрамаган!

Атлантика океанидаги энг катта оқ акула Флорида қирғоғида қайд этилди.

Атлантика океанида қайд этилган энг йирик эркак оқ акула Флорида қирғоғида белгиланди. Бу эса вояга етган океан йиртқичининг ҳаётини реал вақт режимида кузатиш учун ноёб имконият яратди.

Флорида соҳилида ОCЕАРЧ нотижорат ташкилоти тадқиқотчилари томонидан Contender (Рақобатчи) лақабли эркак улкан оқ акула белгиланди. У Атлантика океанида қайд этилган энг йирик оқ акула бўлиб, янги рекорд ўрнатди. Вазни 750 килограмм ва узунлиги 4,2 метр.

Contender нафақат ўлчами жиҳатидан, балки олимлар ушбу турнинг ҳаёт цикли, кўпайиш биологияси ва миграция қонуниятлари ҳақида янги маълумотлар олишга умид қилаётгани нуқтаи назаридан ҳам муҳим босқични белгилайди.

Қўлга олиш ва белгилаш жараёни 2025 йил 17 январда, тахминан 75 километр денгиз ичкарисида амалга оширилди ва бу Ғарбий Шимолий Атлантикадаги вояга етган эркак оқ акулаларнинг номаълум ҳаракатларини кузатишдаги кенг қамровли саъй-ҳаракатларнинг муҳим ютуқларидан бири ҳисобланади. Бу популяция экологик аҳамиятига қарамай, ҳали яхши ўрганилмаган.

Узунлиги ва вазнига кўра, акуланинг ёши 30 ёшлар атрофида деб баҳоланмоқда, бу эса уни айнан кўпайиш даврида эканлигини кўрсатади. Бу муҳим, чунки эркак оқ акулалар одатда 3,5 метр узунликка етганда ва тахминан 26 ёшда жинсий балоғатга етади.

Белгилаш ОCЕАРЧ ташкилотининг Ғарбий Шимолий Атлантика оқ акулалари лойиҳаси доирасида амалга оширилди. Бу лойиҳа АҚШ ва Канада Атлантика соҳиллари бўйлаб катта оқ акулаларнинг ҳаракатланиши, соғлиғи ва яшаш муҳитини афзал кўришини кузатиш учун мўлжалланган узоқ муддатли тадқиқотдир.