Словакия мудофаа вазири Роберт Калиниакнинг айтишича, Словакия бош вазири Роберт Фицо суиқасддан кейинги соғлиғининг ҳозирги ҳолати уни Братиславадаги касалхонага олиб боришга имкон бермаяпти.
Бу ҳақда у матбуот анжуманида айтиб ўтди.
“Ўйлашимча, бош вазир яқин кунларда Братиславага кўчирилмайди, унинг аҳволи оғир, бу яқин келажакда бундай трансферни амалга оширишга имкон бермайди”, — дея унинг сўзларидан иқтибос келтиради РИА Новости.
Калиниакнинг таъкидлашича, ҳозирча мамлакат ҳукумати раҳбари Банска-Бистритса шаҳридаги касалхонада қолади. Шунингдек, у Фицонинг онгли эканлигини қўшимча қилди.