Самарқандда 4 нафар эркак нон олиб келиш учун дўконга кетаётган 14 ёшли қизни ўғирлаб кетди

Тонгга қадар улфатчилик қилган 4 нафар эркак уйга қайтаётганда йўлни кесиб ўтаётган қизни кўриб қолишган. Уни онаси нон олиб келиш учун дўконга жўнатганди. Эркаклар қизни «тунги клубларда рақсга тушиб юрадиган аёл»га ўхшатиб, мажбурлаб машинага миндиришган ҳамда олиб кетишган. Мақсадлари у билан жинсий алоқа қилиш бўлган.

Қиз йиғлаб қаршилик кўрсатган ва пулни кўрсатиб, нон олишга кетаётганини айтган. Эркаклар у билан жинсий алоқа қилиш ниятида бўлишган, аммо кейин фикрларидан қайтиб, уни ўғирлаб кетилган жойга қайтариб олиб бориб қўйишган. Суд ҳукмига кўра, эркаклардан бири — 5,5 йил озодликдан маҳрум этилган, қолган уч нафарига эса 5 йилдан жазо тайинланган.