Фил қутурди ва оломонга ташланди

Ҳиндистоннинг Керала штатида бўлиб ўтган фестивалда 17 киши жароҳатланган. Бу қутурган фил туфайли содир бўлди, деб хабар бермоқда НДТВ телеканали.

Байрамга олтин лавҳалар билан безатилган бешта филни олиб чиқишди. Тўсатдан улардан бири ҳаяжонлана бошлади ва одамлар орасига отилди. Фил бир одамни хартуми билан осмонга кўтариб, бир четга улоқтирди. Жабрланувчи шифохонага ётқизилган, унинг аҳволи оғир деб баҳоланмоқда. Бошқа одамлар филдан қочиб, оломон ичида яраланган.

Иикки соат давомида ҳайвонни тинчлантиришга ҳаракат қилиниб, занжирбанд қилинган. Филнинг тажовузига нима сабаб бўлгани аниқ эмас.