ФИФА Қатардаги стадионларда спиртли ичимликлар савдосини тақиқлади

ФИФА Қатардаги жаҳон чемпионати ўйинлари давомида стадионларда пиво сотилиши тақиқланганини расман тасдиқлади.

«Мезбон мамлакат ҳукумати билан ўтказилган музокаралардан кейин ФИФА спиртли ичимликлар савдосини фан-зона, мухлислар гавжум жойлар ва лицензия асосида фаолият юритадиган очиқ майдонларда ташкил этишга қарор қилинди. Стадионлардаги пиво сотиш нуқталари олиб ташланади. Бу тақиқ стадионлардаги алкоголсиз пиво сотувига таъсир қилмайди», - дейилади ФИФА хабарида.

Маълумот учун, Қатарда жамоат жойларида спиртли ичимликлар истеъмол қилиш қатъиян ман этилган. Фақат меҳмонхоналарда алкогол маҳсулотлари сотувига рухсат берилган.