Туркия ташқи ишлар вазири Фидан АҚШ ва Россия президентлари ўртасида Аляскада бўлиб ўтган учрашувдан сўнг Россия ва Украина ташқи ишлар вазирлари билан телефон орқали музокаралар ўтказди.
Дипломатик манбаларга кўра, Россия ташқи ишлар вазири Сергей Лавров билан бўлган суҳбатда Украина урушига якун ясаш бўйича саъй-ҳаракатлар ҳамда Аляскада ўтган АҚШ ва Россия президентлари учрашуви муҳокама марказида бўлган.
Фидан тинчликка эришиш умидида эканлигини таъкидлади ва бу жараёнга Украина ҳам қўшилиши зарурлигини айтди. У, шунингдек, Туркия бу жараёнга ўз ҳиссасини қўшишга тайёрлигини билдирди.
Туркия ташқи сиёсат идораси раҳбари Украина ташқи ишлар вазири Андрей Сибига билан ҳам суҳбатлашди.
Суҳбат чоғида Доналд Трамп ва Владимир Путин Аляскада ўтказган музокараларнинг аҳамияти муҳокама қилинди. Фидан тинчлик фақат Украинанинг фаол иштирокида амалга ошишини таъкидлади.
Шу нуқтаи назардан, у 18 август куни Вашингтонда бўлиб ўтадиган Украина президенти Владимир Зеленский ва АҚШ президенти Доналд Трамп учрашувининг аҳамиятига эътибор қаратди.
Туркия ташқи ишлар вазири Анқара тинчлик ўрнатишга қаратилган дипломатик ҳаракатларни қўллаб-қувватлашда давом этишини ва бу жараёнда ўз ролини бажаришга тайёр эканини яна бир бор тасдиқлади.
Хитойликлар аёл ўрнини боса оладиган робот ихтиро қилди
АҚШ Россияга қурол-яроғ бўйича келишувни музокаралар учун "рағбат" сифатида таклиф этиши мумкин
Алла Пугачёва Россия фуқаролигидан воз кечмоқчи
