Фарғона вилояти Фурқат туманида ўгай ака укаси уйга меросхўр бўлишидан қўрқиб, уни пичоқлаб ўлдирди. Бу ҳақда Олий суд ахборот хизмати раҳбари Азиз Абидов хабар қилди.
Маълум бўлишича, Фурқат туманида ака ўгай онаси ва унинг вояга етмаган фарзанди билан улар уй-жойга меросхўр бўлишидан қўрқиб, доимий жанжаллашиб келган.
Воқеа содир бўлган куни эса мактабга кетиш учун ҳозирлик кўраётган укасини ака ҳовли четидаги қўшимча бинога судраб кириб, унинг бош, бўйин, кўкрак қафаси, ияк соҳаси каби аъзоларига пичоқ билан тан жароҳати етказади.
Жабрланувчи олган оғир тан жароҳатлари туфайли воқеа жойида вафот этган. Ушбу жанжалга аралашган отага ҳам ушбу шахс юзининг чап соҳасига пичоқ санчиб, енгил тан жароҳати етказган.
Жиноят ишлари бўйича Фурқат туман суди ҳукмига кўра айбланувчи Жиноят ишларининг тегишли моддалари билан 15 йил-у 6 ойга қамалди.
Афғонистон дунё давлатларига мурожаат қилди
Янги ўқув йилининг бошланиш саналари тасдиқланди
Тиббиёт ходимларига «чой пули» тўлашни қонунийлаштириш таклиф этилди
