Фарғона вилоятида 23 та ҳолатда электр энергиясидан ноқонуний фойдаланиш натижасида тизимга 7 млрд 315 млн сўм зарар етказилганлиги аниқланди.
Жорий йилнинг 1 – 8 февраль кунлари Энергетика вазирлиги ҳузуридаги “Ўзенергоинспекция” томонидан ДХХ, Бош прокуратура ва ИИБ ҳамда электр таъминоти корхоналари ходимлари билан ҳамкорликда Фарғона вилоятида ўтказилган назорат тадбирларида электр энергиясидан ноқонуний фойдаланилган 23 та ҳолат аниқланди.
Дастлабки ҳисоб-китобларга кўра, тизимга 7 млрд 315 млн сўм зарар келтирилганлиги маълум бўлди.
Мисол учун, Фарғона шаҳри ва Фурқат туманида истиқомат қилувчи 5 нафар фуқаро томонидан ўз яшаш хонадонларида криптоактив ва майнинг қурилмаларни электр тармоқларига ноқонуний улаб олишлари натижасида давлат манфаатларига жами 7 млрд 14 млн сўм миқдорида зарар етказилган.
Қоидабузар истеъмолчиларга нисбатан белгиланган тартибда чора кўриш учун тегишли ҳужжатлар расмийлаштирилиб, ҳуқуқни муҳофаза этувчи органларга тақдим қилинди.
Огоҳ бўлинг: Тошкентда ўзини ҳайвонга қиёсловчи квадроберлар пайдо бўлди
Россия Идлибни бомбардимон қилмоқда
Исроил армияси йўқотишларга дучор бўлмоқда
