Фаластинлик фаол Трамп маъмуриятига қарши 20 миллион долларлик даъво аризаси топширди

Фаластинлик инсон ҳуқуқлари ҳимоячиси Маҳмуд Халил Дональд Трамп маъмуриятига қарши 20 миллион долларлик даъво аризаси топширди.

У ўз даъвосида ноқонуний қамоқ, қасддан таъқиб қилиш ва туҳмат учун товон пули талаб қилмоқда. Халилнинг таъкидлашича, у Ғазодаги урушга қарши тинч фаластинпараст фаолияти учун “яҳудийларга қарши” деб ёлғон равишда бадном этилган.

Маҳмуд Халил — Колумбия университети битирувчиси ва университетда уюштирилган Ғаза урушга қарши норозилик лагерлари ва музокараларида қатнашган фаол. У 104 кун давомида АҚШнинг иммиграция изоляторида сақланган.

У ўз уйи ёнида фуқаролик кийимидаги ICE (иммиграция хизмати) ходимлари томонидан ушланган ва минг километрдироқда жойлашган Луизиана штатига юборилган. Шу даврда унинг оиласи ва ҳимоячилари у билан алоқага чиқолмаган.

Халилнинг адвокати бу ишни «адолат устидан масхара» деб атади ва унинг депортация қилиниши “инакомфикрларни жиловлаш қуроли” сифатида баҳолади. Грин-картаси ва АҚШ фуқароси бўлган турмуш ўртоғи борлигидан қатъи назар, расмийлар уни мамлакатдан чиқаришга уринган. Улар Халилни гўёки “ташқи сиёсат манфаатларига таҳдид” деб баҳолашган.

Халилнинг айтишича, агар унга расмий кечирим сўраш ва депортация сиёсати қайта кўриб чиқилса, у даъводан воз кечишга тайёр бўлар эди.

2024 йил 20 июнь куни Нью-Жерси суди Халилни озод қилиш ҳақида қарор чиқарди. Шу орқали у ҳибсда экани сабабли кўра олмаган янги туғилган фарзандини илк бор кўриш ва қўлига олиш имконига эга бўлди.