Фаластин ташқи ишлар вазирлиги ишғол қилинган Ғарбий Соҳил ҳудудидаги бадавийлар жамоасига қарши уюштирилган Исроил ҳужумларини қоралаб чиқди. Бу ҳақда Al Jazeera нашри хабар берди.
Хабарда айтилишича, Исроилдан оккупация қилинган Ғарбий Соҳил ҳудудига кўчириб келтирилганлар Фаластиннинг тобора кўпроқ ҳудудини эгаллашга уринмоқда. Кўчирилган исроилликлар Маражот ҳудудидаги фаластинликларнинг уйини ёқиб юборган. Жифтлик қишлоғидаги яна бир уйни бузиб ташлашга уринишган.
“Вазирлик ушбу тажовузкор урушни ўта жиддийлик билан кузатади. Буни кўчманчилар уюшмаларининг Фаластин ерларини талон-торож қилиш ва ўғирлашга уриниши деб ҳисоблайди”, — дейилади Фаластин Ташқи ишлар вазирлиги берган баёнотда.
Хабарда айтилишича, Исроилнинг ўта ўнг қанот вазирлари кўчирилган исроилликлар ҳужумларидан хабардор ва уларни қўллаб-қувватлашини маълум қилган. Ҳудудга яна исроилликлар кўчиб келишини рағбатлантирган.
ДХХ ўринбосарларнинг кирдикорларини фош этди
Россия Ҳиндистондан пулини ололмади
Товушдан тез учадиган дрон илк парвозини амалга оширди
