Фабрицио Романо Элдор Шомуродовнинг келажаги ҳақида маълумот берди

Элдор Шомуродов "Рома"дан "Истанбул"га ўтишга яқин турибди.

30 ёшли форвард 2,7 миллион еврога сотиб олиш шарти билан 3 миллион евро эвазига ижара асосида турк клубига ўтади, дея хабар бермоқда инсайдер Фабрицио Романо.

Шунингдек, шартномада Шомуродовнинг кейинчалик сотилишидан "Рома"га 10 фоиз миқдорида маблағ ажратилиши кўзда тутилган.

Ўзбекистонлик футболчи яна бир йилга узайтириш ҳуқуқи билан икки йиллик шартнома имзолайди.

Шомуродов ўтган мавсум А Серияда 27 та ўйинда 4 та гол урди ва 4 та голли узатмани амалга оширди.