Европанинг олти давлати Россияга босимни давом эттириш ва янги санкциялар жорий этишга тайёр эканини билдирди

Германия, Франция, Италия, Полша, Испания ва Буюк Британия ташқи ишлар вазирлари қўшма баёнот эълон қилди.

Баёнотда қайд этилишича, Украина олдиндан шартларсиз тўлиқ ўт очишни тўхтатишга рози бўлиш орқали тинчликка содиқлигини намойиш этди, аммо Россиянинг Украинага қарши тажовузи тўхтамади.

"Биз Россияга қарши босимни янада кучайтиришга тайёрмиз. Барча мавжуд воситаларни, жумладан, янги санкциялар жорий этишни кўриб чиқамиз. Москва тажовузкор уруш олиб бориш имкониятидан маҳрум бўлиши ва Украина адолатли ҳамда барқарор тинчликни таъминлаш йўлида энг яхши позицияга эга бўлиши зарур. Тинчлик адолатли бўлиши керак ва Россиянинг тажовузи унинг мукофотланиши билан якунланмаслиги лозим", дейилади қўшма баёнотда.