НАТОнинг «Dynamic Manta» деб номланган ҳарбий-денгиз машқлари бугун Ўрта ер денгизидаги Ситсилия ороли қирғоғида бошланади.
Бу ҳақда НАТО ҳарбий-денгиз кучлари қўмондонлигининг «Х» саҳифасига таяниб, «Репорт» хабар бермоқда.
НАТОнинг йиллик ҳарбий-денгиз машқларида Туркия, Канада, Франция, Германия, Греция, Италия, Испания, Англия ва АҚШ қўшинлари ва кемалари иштирок этади.
«Денгиз ости жанговар қобилиятини яхшилаш ва денгиз миссияларининг самарадорлигини оширишга қаратилган икки ҳафталик машқ НАТОнинг стратегик муҳим минтақада жамоавий мудофаа ва инқирозга қарши курашиш қобилиятини мустаҳкамлашга содиқлигини таъкидлайди», дейилади НАТО денгиз қўмондонлиги баёнотида.
Қайд этилишича, Ўрта ер денгизи ўзининг мураккаб сув ости топографияси билан машғулотлар учун идеал замин яратади.
