Венгрия Бош вазири Виктор Орбан Швейтсариянинг Die Weltwoche сайти бош муҳаррири Рожер Коппелга берган интервьюсида келгуси ҳафтада Россия президенти Владимир билан билан Москвада бўлиб ўтган учрашувга ўхшаш «кутилмаган учрашувлар» бўлишини айтди.
«Кейинги ҳафтада худди шундай кутилмаган учрашувлар бўлади», деди Орбан.
Орбан бу учрашувлар ким билан ва қаерда ўтказилишига аниқлик киритмаган.
7 июль, якшанба куни Венгрия ташқи ишлар вазири Петер Сиярто «Европалик уруш тарафдори бўлган сиёсатчиларга» келаси ҳафтада «хавфсизлик камарларини тақиш»ни маслаҳат берган мурожаатини эълон қилди: “Тинчлик миссияси давом этмоқда ва ҳатто кучаймоқда, шунинг учун мен европалик уруш тарафдори бўлган сиёсатчиларни хавфсизлик камарларини тақишга чақираман".