Европа сиёсатчилари Трампни Россия билан биргаликда тузилган Украина бўйича “тинчлик режаси”ни амалга оширишдан қайтаришга уринади

Европа сиёсатчилари Трампни Россия билан биргаликда тузилган Украина бўйича “тинчлик режаси”ни амалга оширишдан қайтаришга уринади — WSJ.

Европалик сиёсатчилар Қўшма Штатларнинг Украинадаги урушни тўхтатиш шартларини ўз ичига олган режасига қарши чиқиб, бу масала бўйича Киевнинг розилиги зарурлигини ва можаро таслим бўлиш шаклида тугамаслиги лозимлигини таъкидламоқда.

The Wall Street Journal'нинг ёзишича, энди Европа расмийлари Вашингтондаги алоқаларидан фойдаланиб, “Россия учун ҳаддан ташқари фойдали” деб ҳисобланаётган таклиф Трамп маъмурияти томонидан илгари сурилишиининг олдини олишга ҳаракат қилишади.

"Оқ уй АҚШ воситачилигида Ғазода ўт очишни тўхтатиш бўйича эришилган келишувдаги каби ёндашувдан фойдаланишга уринмоқда. Ўшанда Вашингтон кўп бандли режа ишлаб чиққан ва жанг қилаётган томонларни уни қабул қилишга мажбурлаган эди", дея ёзмоқда нашр.