Европа NATO'да муҳимроқ рол ўйнаши керак, Британия унинг АҚШ билан алоқаларини сақлашга ёрдам беради — Кир Стармер

Шу билан бирга, Буюк Британия бош вазири мамлакат миллий хавфсизлиги учун тарихий лаҳза келганини таъкидлади.

"Биз бугунги дунё реалликлари ва Россиядан келаётган таҳдид билан шуғулланяпмиз. Европа NATO'да янада муҳим рол ўйнаши керак. Айни пайтда биз АҚШ билан ҳамкорликда Украинанинг келажагини таъминлаш ва Россия таҳдидига қарши туриш устида ишлаяпмиз", — дейилади Стармернинг баёнотида.

Стармер, шунингдек, феврал ойи охирида АҚШга ташриф буюриб, Европа етакчиларининг позициясини Трампга етказмоқчи эканини билдирди.

"Буюк Британия Қўшма Штатлар ва Европанинг бирдамлиги учун ҳаракат қилади. Иттифоқ ичидаги ҳар қандай келишмовчилик бизни ташқи душманлардан чалғитишига йўл қўя олмаймиз," — дея қўшимча қилди Буюк Британия ҳукумати раҳбари.